01.05.2026 | 12:08
ԵԽ-ի բանաձևում Արցախի հիշատակման պատճառով Բաքվում ԵՄ դեսպանն Ադրբեջանի ԱԳՆ է կանչվել․ բողոքի նոտա է հանձնվել
ԱՄՆ-ը բանակցություններ կսկսի Իրաքի հետ երկրից զորքերի դուրսբերման շուրջ
Քաղաքականություն
25.01.2024 | 15:16
ԱՄՆ-ը և Իրաքը շուտով բանակցություններ կսկսեն երկրում Վաշինգտոնի ռազմական ներկայության ապագայի շուրջ՝ Իրաքի կառավարության կողմից ԱՄՆ-ին զորքերը դուրս բերելու հրապարակային կոչերի ֆոնին: Այս մասին հայտնում է CNN-ը՝ վկայակոչելով աղբյուրներին։
«Միացյալ Նահանգները նախընտրում է ժամանակացույց, որը հիմնված է Իրաքի պայմանների վրա, ներառյալ ԻԼԻՊ-ի ջախջախումը և կառավարության ու իրաքյան անվտանգության ուժերի կայունությունը»,- ասել են ամերիկացի պաշտոնյաները:
Միևնույն ժամանակ, Իրաքի կառավարության որոշ պաշտոնյաներ նախընտրում են ժամանակացույց, որը սահմանում է ամերիկյան զորքերի դուրսբերման ամսաթիվը՝ անկախ երկրի ներսում կայունության կամ անվտանգության իրավիճակից:
ԱՄՆ ռազմական ներկայության ապագայի շուրջ բանակցություններն ավելի հրատապ են դարձել ավելի լայն տարածաշրջանային անկայունության ֆոնին և Իրաքից ԱՄՆ-ի զորքերը դուրս բերելու մասին Բաղդադից ավելի հաճախ հնչող հրապարակային կոչերի ֆոնին:
