24.06.2026 | 18:46
Ավետիք Չալաբյանը երկու ամսով կալանավորվեց
ՌԴ-ն հարվածներ է հասցրել Օդեսային
Քաղաքականություն
25.01.2024 | 12:15
Հինգշաբթի լույս հունվարի 25-ի գիշերը Օդեսան հարձակման է ենթարկվել «Շահեդ» տեսակի անօդաչու թռչող սարքերի կողմից։ Ինչպես հաղորդում է Օդեսայի քաղաքային խորհրդի Telegram ալիքը, վնասվել են քաղաքի Պրիմորսկի թաղամասի բնակելի շենքերը, փրկարարները տեղում օգնություն են ցուցաբերում, վիրավորների կամ հոսպիտալացվածների մասին դեռ տեղեկություններ չկան, գրում է DW-ի ռուսական ծառայությունը։
Քաղաքային վարչակազմի ղեկավար Գենադի Տրուխանովի խոսքով՝ անօդաչու թռչող սարքի հարձակման հետևանքով տուժել է առնվազն երկու մարդ։ Մի տղամարդ միջին ծանրության այրվածքներով տեղափոխվել է քաղաքային հիվանդանոց, մյուսն ընկնելու հետևանքով է վնասվածք ստացել, տեղում բուժօգնություն ստանալուց հետո հրաժարվել է հոսպիտալացումից։
Խարկովում էլ սգո օր է հայտարարվել հունվարի 23-ին ռուսական հրթիռակոծության զոհերի հիշատակին․ այդ օրը զոհվել էր 10 խաղաղ բնակիչ, ևս 60-ը վիրավորվել էր, այդ թվում՝ 6 երեխա։ Իսկ հունվարի 16-ին Օդեսայում անօդաչու թռչող սարքի հարձակման հետևանքով 3 մարդ էր վիրավորվել, ևս 130-ը տարհանվել էր։
