15.01.2026 | 14:46
Բաքվում գտնվելու մասին ոչինչ չի պատմել, մենք էլ չենք հարցրել. Վագիֆ Խաչատրյանի դուստր
2024-ին նախատեսվում է արհեստական բանականության գիտահետազոտական կենտրոնի արդիականացման համար ծախսել 3 միլիարդ 434 միլիոն դրամ
Հասարակություն
24.01.2024 | 20:15
ՀՀ Կառավարությունը նախատեսում է 2024 թվականին գիտության ոլորտին հատկացնել շուրջ 36 միլիարդ դրամ կամ պետական բյուջեի ծախսերի 1.1%-ը։
Ֆինանսների նախարարությունից տեղեկացնում են, որ գիտության ոլորտի ծախսերի շուրջ 38%-ը կուղղվի գիտական հաստատությունների ընթացիկ գործունեության ապահովմանը, այդ թվում՝ ապահովելով 57 գիտական կազմակերպության պահպանումը:
2024 թվականին նախատեսվում է ֆինանսավորել 809 թեմայով հետազոտությունների իրականացումը, որին կուղղվի ավելի քան 9 միլիարդ դրամ։
Գիտության գծով ծախսերի մոտ 12%-ը կամ 4 միլիարդ դրամ կուղղվի գիտական կենտրոնների ժամանակակից սարքավորումներով վերազինմանը, որի նպատակով ձեռք կբերվի 4 սարքավորում:
Կառավարությունը նաև նախատեսում է 2024 թվականին արհեստական բանականության գիտահետազոտական կենտրոնի արդիականացման համար ծախսել 3 միլիարդ 434 միլիոն դրամ՝ կենտրոնի համար ձեռք բերելով գերհամակարգիչ:
