01.11.2024 | 23:19
Հրդեհ Գյումրու տներից մեկում
ԵԽԽՎ-ն պատրաստվում է Ադրբեջանի պատվիրակության նկատմամբ պատժամիջոցներ սահմանել․Европейская правда
Քաղաքականություն
22.01.2024 | 14:24
Եվրոպայի խորհրդի խորհրդարանական վեհաժողովը նախատեսում է սահմանափակել Ադրբեջանի պատվիրակության լիազորությունները՝ երկրի կողմից կազմակերպության սկզբունքները խախտելու համար։ Այս մասին Ստրասբուրգում ուկրաինական Европейская правда-ի թղթակցին հայտնել են իրավիճակին ծանոթ մի քանի աղբյուրներ։
«ԵԽԽՎ նախագահական հանձնաժողովի մակարդակով արդեն իսկ կայացվել է Ադրբեջանի նկատմամբ սահմանափակումներ նախաձեռնելու հիմնարար որոշում։ Կեսօրին՝ լիագումար նիստի մեկնարկով, պատգամավորները պաշտոնապես նախաձեռնելու են այս ընթացակարգը, ամենայն հավանականությամբ, Գերմանիայի ներկայացուցչի պաշտոնական նախաձեռնությամբ»,- գրում է լրատվամիջոցը։
Հաղորդվում է, որ Բաքվի նկատմամբ պաշտոնական բողոքը լինելու է այն բանի համար, որ փետրվարին կայանալիք արտահերթ նախագահական ընտրությունների համար ԵԽԽՎ-ից դիտորդներ չեն հրավիրվել։ Նաև բողոքներ են հնչում այն բանի համար, որ Ադրբեջանը հրաժարվել է թույլ տալ ԵԽԽՎ զեկուցողների մուտքը Լաչինի միջանցք։
Մինչ այս, 2014 թվականից սկսած ԵԽ Խորհրդարանական վեհաժողովը նմանատիպ ընթացակարգ էր իրականացրել Ռուսաստանի դեմ, որոնք, ի վերջո, հանգեցրին 2022 թվականին ՌԴ-ի՝ այս կառույցից դուրսմղմանը։
2022 թվականին ԵԽԽՎ-ում արդեն իսկ հնչում էին ակնարկներ Ադրբեջանին ԵԽ-ից հեռացնելու վերաբերյալ։
Էմմա Չոբանյան
