11.06.2026 | 21:18
Թուրքիան Ֆրանսիայի և Կիպրոսի միջև զորքերի տեղակայման գործարքն անօրինական է անվանել
Գյումրեցի երիտասարդը դիտահորերի կափարիչներ էր գողացել․ ոստիկանական բաժնում ներկայացրել է գողոնը
Հասարակություն
22.01.2024 | 14:04
ՆԳՆ ոստիկանության Կումայրիի բաժնի քրեական հետախույզները, իրացնելով դիտահորերի կափարիչների գողության վերաբերյալ օպերատիվ տվյալները և համագործակցելով ՊԾ Շիրակի մարզի գումարտակի պարեկների հետ, հունվարի 20-ի ժամը 23.40-ի սահմաններում Գյումրի քաղաքի Մազմանյան փողոցի հասցեներից մեկի մոտ հայտնաբերել, ձերբակալել և, «Մերսեդեսով» հանդերձ, բաժին են տեղափոխել գյումրեցի 22-ամյա մի երիտասարդի․ տեղեկացնում են ՆԳՆ ոստիկանությունից։
Բաժնում նա հայտնել է, որ Գյումրիի Արցախ թաղամասում գողացել է դիտահորերի կափարիչներ: Հայտնել է նաև, որ գողոնը «Մերսեդեսի» բեռնախցիկում է, պատրաստ է ներկայացնել:
Կազմված փաստաթղթերն ուղարկվել են Շիրակի մարզային քննչական վարչություն:
