15.11.2024 | 23:30
Թուրքիայի նախագահականը հերքում է Էրդողանի և նրա դաշնակից Բահչելիի միջև տարաձայնությունները քրդական հարցի շուրջ
Գևորգ Պետրոսյանն՝ իր պատռված դիմումի և Նաիրա Զոհրաբյանի հետ համագործակցության մասին
Քաղաքականություն
07.08.2018 | 14:46
Ազգային ժողովի «Ծառուկյան» խմբակցության պատգամավոր Գևորգ Պետրոսյանը ևս մեկ անգամ առիթ ունեցավ հպարտանալու կուսակցության առաջնորդ Գագիկ Ծառուկյանով և նրա քայլերով։
Այս մասին Factor.am-ի հետ զրույցում ասաց նա՝ նշելով, որ պատրաստ է իր թիմի հետ շարունակել կուսակցական աշխատանքը։
«Իմ խնդրանքն է եղել, որ ես չմասնակցեմ երեկվա հանդիպմանը։ Ես շատ շնորհակալ եմ Գագիկ Ծառուկյանին։ Իմ նպատակն էր ապացուցել, որ այն կարծիքները, որոնք շրջանառվում էին այս օրերին, իրականությանը չեն համապատասխանում, և ես դա արեցի։ Երեկվա հանդիպումը և Գագիկ Ծառուկյանի կողմից իմ դիմումը չընդունելն ու պատռելը ևս մեկ անգամ ապացուցեցին, որ կուսակցության ներսում կա կուսակցական ժողովրդավարություն, և չի կարող մեկ կամ մի քանի կարծիքի պատճառով քաղաքական թիմը ցրվել»,-ասաց պատգամավորը։
Հարցին՝ ինչպես է պատկերացնում իր աշխատանքը Նաիրա Զոհրաբյանի հետ այն գրառումից հետո, որն արեց օրեր առաջ, Գևորգ Պետրոսյանը պատասխանեց․ «Նորմալ, ես նրա հետ անձնական թշնամանք չունեմ։ Մեր թիմի ներսում կա համագործակցության պատրաստակամություն, և ես կշարունակեմ իմ աշխատանքը»։
Հիշեցնենք, որ Գագիկ Ծառուկյանը երեկ հանդիպել է կուսակիցների հետ։ Հանդիպման ընթացքում կուսակցության առաջնորդը հայտարարել է, որ չի ընդունում Գևորգ Պետրոսյանի հրաժարականի դիմումը։
Աղավնի Սուքիասյան
