24.06.2026 | 17:17
Լավրովը հայտարարել է, որ ՌԴ-ն Ուկրաինայի վերաբերյալ վերջնագրեր չի ընդունի
Ռուսաստանը կփորձի գրավել Կիևը, լայնածավալ հարձակում է ծրագրում. FT
Քաղաքականություն
19.01.2024 | 19:30
Ռուսական զորքերը, ամենայն հավանականությամբ, ծրագրում են լայնածավալ հարձակում Ուկրաինայում 2024 թվականի ամռանը, գրում է Financial Times-ը՝ վկայակոչելով ուկրաինացի պաշտոնյաներին, որոնք խոսել են անանունության պայմանով:
Նրանց վարկածի համաձայն՝ Ռուսաստանը կփորձի գրավել Ուկրաինայի չորս շրջանների մնացած տարածքները, որոնց միացման մասին հայտարարել էր 2022 թվականի սեպտեմբերին՝ Դոնեցկի, Լուգանսկի, Խերսոնի և Զապորոժիեի շրջանները։ FT-ի զրուցակիցները չեն բացառել, որ ռուսական զորքերը կփորձեն գրավել Խարկովը կամ նույնիսկ Կիևը։
Ըստ հրապարակման՝ Ուկրաինայում ՌԴ նախագահ Վլադիմիր Պուտինի վերջնական նպատակը՝ «նվաճել երկիրը և ստրկացնել նրա ժողովրդին», մնում է անփոփոխ։ Այս մասին ասվում է ԱՄՆ հետախուզության գաղտնազերծված զեկույցում, որը FT-ն ուսումնասիրել է 2023 թվականի դեկտեմբերին։ Փաստաթղթի համաձայն՝ հենց այդ պատճառով է, որ Ռուսաստանը շարունակում է Ուկրաինայի արևելքում առաջխաղացումը մի քանի ուղղություններով, այդ թվում՝ Ավդեևկայի, ինչպես նաև Լիմանի և Կուպյանսկի ուղղությամբ։
Financial Times-ը մեջբերել է նաև Ուկրաինայի հարցերով զբաղվող արևմտյան մի անանուն պաշտոնյայի գնահատականը, որի կարծիքով՝ «2024 թվականին կողմերից որևէ մեկի գործառնական բեկման հեռանկարները փոքր են»:
