14.12.2025 | 21:40
Ոստիկանությունը ձերբակալել է Բրաունի համալսարանում կրակ բացելու մեջ կասկածվողին
Բելառուսը հայտարարել է ՆԱՏՕ-ի հետ պրագմատիկ երկխոսությունը վերսկսելու պատրաստակամության մասին
Քաղաքականություն
19.01.2024 | 15:56
Բելառուսի ղեկավար Ալեքսանդր Լուկաշենկոյի՝ առանց նախազգուշացման ՆԱՏՕ-ի երկրի վրա հարձակման մասին ամռանն արված հայտարարություններից հետո, Մինսկն ուղերձ է տարածել ՆԱՏՕ-ի անդամների հետ «պրագմատիկ երկխոսությունը» վերսկսելու պատրաստակամության մասին։ Մինսկը, սակայն, առաջ է քաշում մի պայման, որի դեպքում հնարավոր կլինի հետագա համագործակցությունը։ Համապատասխան հայտարարությունն արել է Բելառուսի պաշտպանության նախարար Վիկտոր Խրենինը ճեպազրույցում, գրում է Զերկալոն։
«Դոկտրինի նախագծում (Բելառուսի նոր ռազմական դոկտրին) մենք ասում ենք, որ Բելառուսի Հանրապետությունը բաց է ռազմական ոլորտում համագործակցության համար ցանկացած պետության հետ, այդ թվում՝ ՆԱՏՕ-ի երկրների։ Մենք պատրաստ ենք վերսկսել պրագմատիկ երկխոսությունը, եթե նրանք դադարեցնեն մեր նկատմամբ ագրեսիվ հռետորաբանությունն ու գործողությունները»,- նշել է Խրենինը։
Նա ընդգծել է, որ Բելառուսը «հետաքրքրություն է դրսևորել վերսկսելու անվտանգության միջազգային կազմակերպությունների ազդեցությունը, ինչպիսիք են ՄԱԿ-ը, ԵԱՀԿ-ն և այլն, և նրանց արդյունավետ գործունեությունը զինված բախումները կանխելու և կարգավորելու հարցում»։
