21.06.2026 | 15:30
Իրանական ԶԼՄ-ները պնդում են, որ Հորմուզի նեղուցը շարունակում է փակ մնալ
Հրանտ Դինքն ամբողջ կյանքում պայքարում էր, որ այս հողերում եղբայրություն տիրի․ Ալի Բաբաջան
Քաղաքականություն
19.01.2024 | 17:34
Պոլսահայ լրագրող, «Ակոս» թերթի գլխավոր խմբագիր Հրանտ Դինքի մահվան 17-րդ տարելիցի կապակցությամբ Թուրքիայի հասարակական ու քաղաքական տարբեր գործիչներ հարգանքի տուրք են մատուցում Դինքին, այդ թվում՝ սոցիալական ցանցերում գրառումներով։
Հայ լրագրողի մահվան տարելիցին անդրադարձել է նաև Թուրքիայի ընդդիմադիր «Ժողովրդավարություն և առաջընթաց» (DEVA) կուսակցության նախագահ, նախկին փոխվարչապետ և ԱԳ նախարար Ալի Բաբաջանը։
«Հրանտ Դինքը, որն ամբողջ կյանքի ընթացքում պայքարում էր, որ այս հողերում եղբայրություն տիրի, սպանվեց 17 տարի առաջ այս օրը»,- գրել է Բաբաջանը X-ի իր էջում։
Նա նշել է, որ բոլոր ջանքերը կգործադրեն՝ ստեղծելու Թուրքիա, ուր «որևէ մեկը չի փորձի աղավնիներին անհանգստացնել»։
Էմմա Չոբանյան
