30.05.2026 | 10:27
ՌԴ-ն Կոպիրկինին կանչել է Մոսկվա՝ ՀՀ–ԵՄ մերձեցման պատճառով
Ադրբեջանի և Սլովակիայի ՊՆ ղեկավարները ռազմական համագործակցության հարցեր են քննարկել
Քաղաքականություն
19.01.2024 | 17:11
Ադրբեջանի պաշտպանության նախարար Զաքիր Հասանովը հանդիպել է պաշտոնական այցով Բաքվում գտնվող Սլովակիայի փոխվարչապետ, պաշտպանության նախարար Ռոբերտ Կալինյակի գլխավորած պատվիրակությանը։
Ադրբեջանի ՊՆ հաղորդագրության համաձայն՝ հանդիպմանն ընդգծվել է երկու երկրների միջև ռազմատեխնիկական, ռազմակրթական և այլ ոլորտներում համագործակցության զարգացման կարևորությունը։
Ըստ ադրբեջանական կողմի՝ Կալինյակը «շնորհավորել է ադրբեջանցի գործընկերոջը երկրի ինքնիշխանության և տարածքային ամբողջականության վերականգնման կապակցությամբ»։ Նշվել է ադրբեջանական բանակի հետ փորձի փոխանակման ընդլայնման, ժամանակակից մարտական գործողությունների ուսումնասիրման կարևորությունը։ Ընդգծվել է նման փոխայցելությունների առանձնահատուկ նշանակությունը։
Հանդիպմանը Ադրբեջանի և Սլովակիայի ներկայացուցիչները մտքեր են փոխանակել ռազմական ոլորտում փոխադարձ հետաքրքրություն ներկայացնող մի շարք հարցերի շուրջ։
Էմմա Չոբանյան
