24.06.2026 | 19:34
Որքա՞ն արժե ծիրանը․ գյուղացիները բերքի իրացման այլընտրանքներ են փնտրում. ՏԵՍԱՆՅՈՒԹ
Ուֆայում հարյուրավոր մարդիկ դուրս են եկել կենտրոնական հրապարակ՝ հաջակցություն ազատազրկված ակտիվիստի․ բերման ենթարկվածներ կան
Քաղաքականություն
19.01.2024 | 16:21
Բաշկորտոստանի մայրաքաղաք Ուֆայում հունվարի 19-ի առավոտյան մի քանի հարյուր մարդ է հավաքվել Սալավաթ Յուլաևի կենտրոնական հրապարակում։ SotaVision-ը նրանց թիվը գնահատում է 1,5 հազար։ Բողոքի ակցիա անցկացնելու կոչեր սոցցանցերում արել են վերջերս 4 տարվա ազատազրկման դատապարտված ակտիվիստ Ֆաիլ Ալսինովի կողմնակիցները։ Նրա դատավճիռը կայացնելու օրը Բայմակ քաղաքում բախումներ են տեղի ունեցել ցուցարարների և ոստիկանների միջև։
Ուֆայում հավաքված մարդիկ շրջելմ են հրապարակով, շուրջպար բռնել, երգել, իսկ ոստիկաններին ասել են, որ պարզապես քայլում են։
Ըստ որոշ լրատվամիջոցների՝ իրավապահները բերման են ենթարկել մի քանի մարդու, այդ թվում՝ մի աղջկա՝ Ալսինովի ելույթից հատված պարունակող պաստառ պահելու համար:
Ոստիկանությունը, սակայն, «Մի անգամ Բաշկիրիայում» Telegram-ալիքի թղթակցին ասել է, որ պաշտոնական ձերբակալություններ չեն եղել, պարզապես ոստիկանությունը մի քանի հոգու «ուղեկցել է» հրապարակից։
Բաշկորտոստանի ՆԳՆ-ն ավելի վաղ նախազգուշացրել էր չհամաձայնեցված ակցիային մասնակցելու դեպքում պատասխանատվության մասին։
