23.07.2026 | 12:20
Նյու Յորքում ձերբակալել են Արգենտինայի ֆուտբոլային ասոցիացիայի նախագահին
Հյուսիսային Կորեան ստորջրյա միջուկային զենքի փորձարկում է իրականացրել
Քաղաքականություն
19.01.2024 | 16:47
Հյուսիսային Կորեան Հարավային Կորեայի, ԱՄՆ-ի և Ճապոնիայի համատեղ զորավարժություններին պատասխանել է ստորջրյա միջուկային համակարգի փորձարկումներով։ Այս մասին հայտնում է Կորեայի կենտրոնական լրատվական գործակալությունը (KCNA)՝ հղում անելով ԿԺԴՀ Պաշտպանության նախարարությանը։
Ռազմական գերատեսչության տվյալներով՝ ԿԺԴՀ-ի պաշտպանության ազգային ակադեմիայի ստորջրյա զենքերի համակարգերի ինստիտուտը ճապոնական ծովում փորձարկել է Heil-5-23 ստորջրյա միջուկային զենքի համակարգը, որը մշակման փուլում է։
«Մեր բանակի ստորջրյա միջուկային պատրաստվածությունը կբարելավվի և, բնականաբար, կշարունակվեն տարբեր պատասխան գործողությունները ծովում՝ զսպելու ԱՄՆ ռազմածովային ուժերի և նրա դաշնակիցների թշնամական ռազմական գործողությունները»,- նշել է գերատեսչությունը:
Հունվարի 14-17-ը Ճապոնիայի, ԱՄՆ-ի և Հարավային Կորեայի ռազմածովային ուժերը համատեղ վարժանքներ են անցկացրել Կորեական թերակղզուց հարավ գտնվող Արևելա-չինական ծովում։ Զորավարժություններին մասնակցել է ութ ռազմանավ։
