Քաղաքականություն
18.01.2024 | 12:25
Պակիստանի ինքնաթիռները ներխուժել են Իրանի օդային տարածք՝ ավիահարվածներ հացնելու համար, փոխանցում է Reuters-ը՝ հղում կատարելով իր աղբյուրներին։ «Պակիստանի ինքնաթիռները մտել են Իրանի օդային տարածք և հաջողությամբ վերադարձել թաքստոցներին հարվածներ հասցնելուց հետո», – ասվում է գործակալության հաղորդագրության մեջ:
Ավելի վաղ հայտնել էինք, որ Պակիստանը հարվածներ է հասցրել Իրանի տարածքում գտնվող թիրախների։ Պակիստանի ԱԳՆ հայտարարել էր, որ Իսլամաբադը մի քանի կետային հարվածներ է հասցրել Իրանում «ահաբեկիչների թաքստոցներին»։
Իրանական Fars գործակալությունը հայտնել է Սիստան և Բելուջիստան նահանգում տեղի ունեցած մի քանի պայթյունների հետևանքով առնվազն յոթ ոչ Իրանի քաղաքացիների զոհվելու մասին:
Նահանգի փոխնահանգապետ Ալիռեզա Մարհամատին տեղեկացրել է, որ մի քանի պայթյուններ են լսվել հարավարևելյան Սարավան քաղաքի շրջակայքում տեղական ժամանակով ժամը 04:30-ին: Պաշտոնյան հայտնել է, որ պայթյունների հետևանքով զոհվել է երեք կին և չորս երեխա։
