08.07.2026 | 20:08
Թրամփը վստահություն է հայտնել, որ կարող է հաշտեցնել ՌԴ-ին և Ուկրաինային, «ինչպես արել է Հայաստանի ու Ադրբեջանի դեպքում»
Գողացել էր տնակ ու 10 տոննա տարողությամբ դիզվառելիքի բաք․ 27-ամյա քաղաքացին ձերբակալվել է
Հասարակություն
18.01.2024 | 15:04
Հունվարի 9-ին, ժամը 23.25-ին, ՆԳՆ ոստիկանության օպերատիվ կառավարման կենտրոն զանգած քաղաքացին հայտնել էր, որ գիշերը Արին-Բերդի փողոցի 5-րդ նրբանցքի չգործող գործարանի տարածքից գողացել են տնակ ու 10 տոննա տարողությամբ դիզելային վառելիքի բաք․ տեղեկացնում են ՆԳՆ ոստիկանությունից։
Ոստիկանության Էրեբունու բաժնի քրեական հետախույզները ձեռնարկած միջոցառումների շնորհիվ պարզել են գողությունը կատարողի ինքնությունը: Արարատի մարզի Ուրցաձոր գյուղի 27-ամյա բնակիչը Երևանի Խորենացու փողոցում հայտնաբերվել, ձերբակալվել և տարվել է Էրեբունու բաժին:
Գողոնը հայտնաբերվել է:
Բացատրական աշխատանքի արդյունքում երիտասարդը հայտնել է, որ նշված վայրից նախկինում գողացել է մետաղի ջարդոն:
Կազմված փաստաթղթերը փոխանցվել են նախաքննական մարմին:
Կատարվում է նախաքննություն:
