14.12.2025 | 21:40
Ոստիկանությունը ձերբակալել է Բրաունի համալսարանում կրակ բացելու մեջ կասկածվողին
Իրանի հրթիռային հարվածներից հետո Իրաքը հետ է կանչել Թեհրանում իր դեսպանին
Քաղաքականություն
16.01.2024 | 15:32
Իրաքը խորհրդակցությունների համար հետ է կանչել Թեհրանում իր դեսպանին՝ երկրի վրա Իրանի հրթիռային հարվածներից հետո։
«Այսօր Իրաքի ԱԳ նախարարությունը կանչել է Թեհրանում Իրաքի Հանրապետության դեսպան Նասիր Աբդուլ Մոհսենին՝ Էրբիլի վրա իրանական վերջին հարձակումների ֆոնին խորհրդակցություններ անցկացնելու նպատակով, որը հանգեցրել է մի շարք զոհերի և վիրավորների»,- ասվում է Իրաքի ԱԳՆ-ի X-ի էջում արված գրառման մեջ։
Հիշեցնենք, որ Իրանի Իսլամական հեղափոխության պահապանների կորպուսը (ԻՀՊԿ) հարվածներ էր հասցրել Իրաքում և Սիրիայում։ Իրանը հայտնել էր, որ բալիստիկ հրթիռների օգնությամբ հարված է հասցվել Իրաքյան Քուրդիստանի ինքնավար շրջանում գտնվող «Մոսադի լրտեսների» (Իսրայելական հետախուզական ծառայություն) կենտրոնակայանին։
Հաղորդվում է, որ միաժամանակ մի քանի պայթյուն է որոտացել ԱՄՆ հյուպատոսարանի մոտ՝ Իրաքյան Քուրդիստանի մայրաքաղաք Էրբիլից 40 կմ հյուսիս-արևելք։ Ինքնավար շրջանի իշխանությունները հայտնում են, որ 4 բնակիչ է սպանվել, 6-ը՝ վիրավորվել։ Զոհերի թվում են քուրդ գործարար, միլիարդատեր Փեշրավ Դիզայը ու նրա ընտանիքի մի քանի անդամներ։
Էմմա Չոբանյան
