28.10.2026 | 23:23
Քննարկվել են Լուվրի և Հայաստանի պատմության թանգարանի միջև համագործակցության հեռանկարները
Թուրքիայում ձերբակալված ու երկրից արտաքսված իսրայելցի ֆուտբոլիստը վերադարձել է հայրենիք
Քաղաքականություն
16.01.2024 | 18:53
Իսրայելցի ֆուտբոլիստը, որը ձերբակալվել էր Թուրքիայում ֆուտբոլային հանդիպման ժամանակ Իսրայելում հոկտեմբերի 7-ի տեղի ունեցած հարձակման զոհերին հիշատակելուց հետո, հայրենիք է վերադարձվել երկու երկրների միջև լարվածությունը բորբոքող վեճի պատճառով, գրում է Financial Times-ը։
Հիշեցնենք, որ «Անթալիասպորի» հարձակվող Սագիվ Յեհեզկելը ձերբակալվել ու հեռացվել էր ակումբից կիրակի տեղի ունեցած միջադեպից հետո, այնուհետև թուրքական իշխանությունները նրան երկրից արտաքսելու որոշում էին կայացրել։
Իսրայելի ԱԳ նախարարությունը հայտնել էր, որ 28-ամյա Յեհեզկելն ազատ է արձակվել կալանքից և Իսրայել կվերադառնա երկուշաբթի ավելի ուշ:
«Ես ոչինչ չեմ արել որևէ մեկին սադրելու համար։ Ես պատերազմի կողմնակից չեմ։ Այն կետը, որի վրա ես ուզում էի ուշադրություն հրավիրել, պատերազմի ավարտն էր»,- ասել է ֆուտբոլիստը։
Յեհեզկելն առաջին ֆուտբոլիստը չէ, որին դատապարտում են Գազայի պատերազմին առնչվող գործողությունների համար: Ալժիրցի Յուսեֆ Աթալը, որը հանդես է գալիս ֆրանսիական «Նիս» ակումբում, այս ամիս ֆրանսիական դատարանի կողմից 8 ամիս ժամկետով պայմանական ազատազրկման է դատապարտվել՝ հակամարտության մասին սոցիալական ցանցերում գրառմամբ կրոնական ատելություն հրահրելու համար:
Էմմա Չոբանյան
