23.02.2026 | 23:30
Ադրբեջանը նույնպես հետաքրքրություն է հայտնել Եվրոպական խաղաղության գործիքակազմի շրջանակներում օգնություն ստանալու հարցում
Բաքվում պատահարի հետևանքով մարդկային կորուստների թիվը հասել է 9-ի․ նրանց թվում Վրաստանի քաղաքացի կա
Քաղաքականություն
16.01.2024 | 16:44
Բաքվի Բինագադի շրջանում գործող կահույքի արտադրամասում նախօրեին տեղի ունեցած պայթյունի և հրդեհի հետևանքով զոհերի թիվը հասել է 8-ի։
«Պայթյունի վայրում փրկարարական և որոնողական աշխատանքների ընթացքում փլատակների տակից դուրս է բերվել 7 մարդու դի։ Ներկայում որոնողափրկարարական աշխատանքները շարունակվում են»,- ավելի վաղ հայտնել է Ադրբեջանի ԱԻՆ-ը։
Թարմացված նոր տեղեկություններով՝ ևս երկու մարդու դի է հայտնաբերվել փլատակների տակից։
Միջադեպի հետևանքով վիրավորվել է 24 մարդ։ Բժշկական տարածքային ստորաբաժանումների կառավարման միավորումը հայտնել է, որ 16 մարդ բժշկական հաստատություններում բուժում է ստանում։
Ադրբեջանական լրատվամիջոցները հայտնում են, որ 7 զոհերի թվում կա նաև Վրաստանի քաղաքացի՝ 35-ամյա Սարաջ Յուսուբովը Բոլնիսի շրջանի Նախիդուրի գյուղից։
Վրաստանի ԱԳՆ-ն հաստատել է Բաքվի կահույքի արտադրամասում պայթյունի հետևանքով իր երկրի քաղաքացու մահը։
«Վրաստանի քաղաքացու մահը հաստատվել է։ Ադրբեջանի Հանրապետությունում Վրաստանի դեսպանությունը կապի մեջ է մահացածի ընտանիքի անդամների հետ»,- ասվում է հաղորդագրության մեջ։
Էմմա Չոբանյան
