12.09.2026 | 23:46
Գյումրիում 64-ամյա տղամարդը դանակահարել է հարևաններին՝ հորն ու որդուն․ որդին մահացել է
Թուրք պաշտոնյաները չեն մասնակցի Դավոսի տնտեսական ֆորումին՝ ՀԱՄԱՍ-ի վերաբերյալ դիրքորոշման պատճառով
Քաղաքականություն
15.01.2024 | 19:29
Թուրքիայի նախագահ Ռեջեփ Թայիփ Էրդողանի որոշմամբ՝ երկրի պաշտոնյաները չեն մասնակցի այս շաբաթ Դավոսում կայանալիք Համաշխարհային տնտեսական ֆորումին՝ կապված Իսրայել-ՀԱՄԱՍ պատերազմի վերաբերյալ դրա կազմակերպիչների դիրքորոշման հետ։ Այս մասին հայտնում է Bloomberg-ը՝ վկայակոչելով իրավիճակին ծանոթ աղբյուրների։
Նրանք ասել են, որ ֆինանսների նախարար Մեհմեդ Շիմշեքը ծրագրել էր մասնակցել համաժողովին, սակայն Էրդողանը հետ է կանգնեցրել։
Գագաթնաժողովից իր բարձրաստիճան պաշտոնյաներին հետ կանչելու՝ Էրդողանի որոշումը բարդացնում է համաշխարհային ներդրողների հետ վերամիավորվելու՝ Թուրքիայի ջանքերն այն բանից հետո, երբ տարիներ շարունակ երկիրը վարում էր անսովոր տնտեսական քաղաքականություն։
Էրդողանի և Շիմշեքի աշխատակազմերը հրաժարվել են մեկնաբանություն տալ լրատվամիջոցին։ Համաշխարհային տնտեսական ֆորումը նույնպես անմիջապես չի պատասխանել մեկնաբանության հարցմանը։
Դավոսի տնտեսական ֆորումի հիմնադիր և գործադիր նախագահ Կլաուս Շվաբը դատապարտել էր ՀԱՄԱՍ-ի «ահաբեկչական հարձակումներն Իսրայելի դեմ» այն բանից հետո, երբ խմբավորումը հոկտեմբերին անսպասելի հարձակման ժամանակ սպանել էր շուրջ 1200 մարդու: Թեև նա կոչ էր արել նաև միջոցներ ձեռնարկել Գազայի խաղաղ բնակչությանը պաշտպանելու համար, այս հայտարարությունը զայրացրել էր թուրք քաղաքական գործիչներին:
Էմմա Չոբանյան
