16.03.2026 | 23:18
ԵՄ-ն պատժամիջոցներ է սահմանել չինական և իրանական ընկերությունների նկատմամբ՝ կիբերհարձակումների համար
Ավագանու լիազորությունները դադարեցնելու նախագիծը օգոստոսի 16-ին կներկայացվի Կառավարությանը
Քաղաքականություն
06.08.2018 | 15:15
«Ավագանու արտահերթ ընտրություններ անցկացնելու օրվա մասին դեռևս որոշում չկա, քանի որ ավագանու լիազորությունները դադարացելու նախագիծ դեռևս Կառավարությանը չի ներկայացվել, այն ներկայացվելուց հետո հետո 30-40 օրվա ընթացքում արդեն պարզ կդառնա ավագանու արտահերտ ընրության օրը»,- այս մասին Factor.am-ին ասաց վարչապետի մամուլի քարտուղար Արման Եղոյանը։
Փորձեցինք ՀՀ տարածքային կառավարման և զարգացման նախարարությունից տեղեկանալ, թե երբ է ավագանու լիազորությունները դադարեցնելու և արտահերթ ընտրություններ անկացնելու նախագիծը ներկայացվելու Կառավարություն։
«ԿԸՀ-ից և ոստիկանությունից ֆինանսական ծախսերի մասին տվյալներ պիտի ստանանք, որից հետո հարցը կքննարկվի նախարարական կոմիտեի նիստում։ Այդ քննարկումից հետո արդեն օգոստոսի 16-ին նախագիծը կբերվի Կառավարության նիստի օրակարգ»,- Factor.am-ին հայտնեց նախարարի մամուլի քարտուղար Արմինե Մուրադյանը։
Հիշեցնենք՝ հուլիսի 9-ին Երևանի քաղաքապետ Տարոն Մարգարյանը հրաժարական տվեց. Երևանի քաղաքապետի ժամանակավոր պաշտոնակատարը Կամո Արեյանն է։ Երևանի քաղաքապետի թեկնածուներից այս պահին հայտնի են երեքի անունները՝ «Երկիր Ծիրանի»՝ Զարուհի Փոստանջյան, «Ծառուկյան» դաշինք՝ Նաիրա Զոհրաբյան, «Քաղաքացիական պայմանագիր»՝ Հայկ Մարությանը։
Լիլիթ Շաբոյան
