14.05.2026 | 23:29
Թուրքիայի և Վրաստանի քաղաքացիները 2025 թվականին ԵՄ-ից արտաքսումների թվով առաջին ու երկրորդ տեղերում են
Տրանսպորտի նախարարն արագ է արձագանքել․ մեկնում է Լարս
Հասարակություն
06.08.2018 | 12:50
Վերին Լարսի անցակետում հայ վարորդները կրկին խնդիրների առաջ են կանգնել։
Մեքենաների կուտակումը երեկվանից հասնում է 6-7 կիլոմետրի և այս պահին ՀՀ տրանսպորտի, կապի և տեղեկատվական տեխնոլոգիաների նախարար Աշոտ Հակոբյանը մեկնում է Վերին Լարս՝ տեղում իրավիճակին ծանոթանալու համար։
Այս մասին Factor.am-ի հետ զրույցում ասաց ՏԿՏՏ փոխնախարար Արմեն Փամբուկչյանը։
Հարցին՝ այս անգամ խցանումների պատճառը որն է, փոխնախարարը պատասխանեց․ «Եթե նախորդ անգամ խնդիրը կապված էր տեխնիկական աշխատանքների հետ, հիմա այս խցանման պատճառը պարզելու համար է, որ նախարարը մեկնում է Լարս։ Նախարարությունն ակտիվ աշխատանքներ է տանում նաև տեղի հյուպատոսարանի հետ։ Ռուսական կողմը, թեև, թողունակությունը բարձրացրել է, բայց հիմա էլ վրացական կողմում է հերթ գոյացել»։
Հիշեցնենք, որ մոտ մեկ ամիս առաջ ևս Լարսում հայ վարորդները մեծ խնդիրների առաջ էին կանգնել։ Նախարարությունից ստացանք պարզաբանում, որ այդ կուտակումները կապված են և՛ տուրիստական սեզոնի, և՛ Լարսում ներդրված մեքենաների հերթագրումն իրականացնող տեխնիկայի աշխատանքների հետ։
Նշենք, որ այս անգամ խցանմանը ՀՀ տրանսպորտի, կապի և տեղեկատվական տեխնոլոգիաների նախարար Աշոտ Հակոբյանն արաձագանքեց առավել արագ, ինչի բացակայությունից հասարակությունը դժգոհ էր նախորդ խցանման ժամանակ։
Աղավնի Սուքիասյան
