Քաղաքականություն
09.01.2024 | 22:37
2023 թվականի վերջին Թուրքիայի պետական բյուջեի դեֆիցիտը կազմել է 625,5 միլիարդ լիրա (21,26 միլիարդ դոլար)՝ միայն դեկտեմբերին ավելանալով 137 միլիարդ թուրքական լիրայով (4,66 միլիարդ դոլար): Այս մասին հայտնում է Sözcü պարբերականը։
Համապատասխան տվյալները ներկայացված են Թուրքիայի Ֆինանսների նախարարության պաշտոնական զեկույցին հղումով։
2023 թվականին, Թուրքիայի գանձապետարանի տվյալների համաձայն, երկրում կանխիկի դեֆիցիտը 2022 թվականի համեմատ աճել է 2,7 անգամ։
Թուրքիայի համար գնալով ավելի է բարդանում վարկերի տոկոսների վճարումները, որոնց վճարները, նախորդ տարվա համեմատ, գրեթե կրկնապատկվել են: Փոխառությունները և առաջնային դեֆիցիտն աճում են, իսկ նախագահ Ռեջեփ Թայիփ Էրդողանը, որը ժամանակին չափազանց խիստ էր երկրի Կենտրոնական բանկի ղեկավարների նկատմամբ, դեռևս չի շտապում փոխել թուրքական կարգավորիչի ներկայիս ղեկավար Հաֆիզե Գայե Էրքանին:
