15.09.2026 | 14:53
Եվրոպական խորհրդարանն ընդունեց ՀՀ-ին արտահանման արտոնություններ տալու նախագիծը
Թուրքիայում ձերբակալել են Իսրայելի օգտին լրտեսելու մեջ կասկածվող 33 հոգու
Քաղաքականություն
03.01.2024 | 17:27
Թուրքական ոստիկանությունը ձերբակալել է 33 անձի, ովքեր կասկածվում են իսրայելական հետախուզական «Մոսադ» ծառայության օգտին լրտեսելու և Թուրքիայում բնակվող օտարերկրացիների դեմ գործողությունների մեջ, գրում է VOA-ն։ Այս մասին հայտարարել է ներքին գործերի նախարար Ալի Երլիկայան։ Դեկտեմբերին Թուրքիայի իշխանությունները նախազգուշացրել էին Իսրայելին «լուրջ հետևանքների» մասին, եթե նա փորձի թիրախավորել ՀԱՄԱՍ խմբավորման անդամներին, որոնք ապրում են պաղեստինյան տարածքներից դուրս, այդ թվում՝ Թուրքիայում։
Նախագահ Ռեջեփ Թայիփ Էրդողանը հայտարարել է, որ նման գործողությունները սխալ կլինեն։ Ի տարբերություն արևմտյան դաշնակիցների և արաբական որոշ երկրների՝ Թուրքիան ՀԱՄԱՍ-ն ահաբեկչական կազմակերպություն չի համարում։
Երլիկայան ասել է, որ «Խլուրդ» գործողության շրջանակներում ոստիկանությունը խուզարկություններ է իրականացրել երկրի ութ նահանգների 57 վայրերում։
Հետաքննությունը նախաձեռնել են Ստամբուլի դատախազության հակաահաբեկչական բյուրոն և Ազգային հետախուզական կազմակերպության MIT-ը։
