04.08.2026 | 23:29
Չժաո Լեցզին շնորհավորել է Ռուբեն Ռուբինյանին ԱԺ նախագահ ընտրվելու կապակցությամբ
Փաշինյանը դեկտեմբերի 31-ին «Եռաբլուր» չգնաց, նախորդ տարի այց եղել էր
Քաղաքականություն
31.12.2023 | 22:12
ՀՀ վարչապետ Նիկոլ Փաշինյանն այս տարի դեկտեմբերի 31-ին չի այցելել «Եռաբլուր» զինվորական պանթեոն։
Հիշեցնենք՝ 2022 թվականին Նիկոլ Փաշինյանն այցելել էր պանթեոն և ծաղիկներ էր խոնահրել Հայրենիքի համար տարբեր ժամանակներում զոհված զինծառայողների շիրիմներին։
Factor.am-ը փորձեց Կառավարության լրատվական վարչությունից ճշտել՝ ինչո՞ւ Փաշինյանը չի այցելել «Եռաբլուր», սակայն հեռախոսազանգերն անպատասխան մնացին։
Հիշեցնենք՝ Հայաստանի ղեկավարը վերջին անգամ զինվորական պանթեոն այցելել է 2023 թվականի հունվարի 28-ին՝ ՀՀ բանակի կազմավորման օրը։ Այս տարի Նիկոլ Փաշինյանը ո՛չ սեպտեմբերի 21-ին՝ ՀՀ անկախության օրը, ո՛չ սեպտեմբերի 27-ին՝ 44-օրյա պատերազմի մեկնարկի օրը, ո՛չ էլ նոյեմբերի 9-ին՝ պատերազմի վերջին օրը, չի գնացել «Եռաբլուր»:
2022-ին ևս՝ սեպտեմբերի 27-ին և նոյեմբերի 9-ին այցեր չեն եղել, իսկ սեպտեմբերի 21-ի այցի ընթացքում զոհերի՝ ակցիա իրականացնող ծնողներին բռնի ուժով բերման ենթարկեցին։
