Հասարակություն
31.12.2023 | 21:55
Ամենայն Հայոց Կաթողիկոս Գարեգին Բ-ի ամանորյա ուղերձն այսօր չի հեռարձակվի Հանրային հեռուստաընկերության եթերում։ Այս մասին հայտնում է Մայր Աթոռի տեղեկատվական կենտրոնը։
Աղբյուրը հայտնում է, որ Հանրային հեռուստաընկերությունը, վերջին պահին, առանց որևէ պատճառաբանության տեղեկացրել է, որ Վեհափառ Հայրապետի ամանորյա ուղերձը եթեր չի հեռարձակվի կեսգիշերից առաջ, ինչպես և ավանդաբար ընդունված էր։ Ըստ Մայր Աթոռի` առաջարկվել է Ամենայն Հայոց Հայրապետի ուղերձը ներկայացնել Լուրերի երեկոյան թողարկման ընթացքում, ինչը Մայր Աթոռը մերժել է։
Factor.am-ն այս առնչությամբ փորձեց պարզաբանում ստանալ Հանրային հեռուստաընկերությունից, սակայն, ոչ գործադիր տնօրեն Հովհաննես Մովսիսյանը, ոչ կառույցի հանրային կապերի պատասխանատուն մեր զանգերին չպատասխանեցին։
