14.12.2025 | 21:40
Ոստիկանությունը ձերբակալել է Բրաունի համալսարանում կրակ բացելու մեջ կասկածվողին
Ուկրաինան կարող է բախվել աշխատավարձերի և թոշակների ուշացման խնդրի
Քաղաքականություն
29.12.2023 | 20:44
Ուկրաինայի կառավարությունը կարող է բախվել պետական ծառայողների աշխատողների աշխատավարձերի ու կենսաթոշակների վճարման ուշացման խնդրի, եթե Արևմուտքը մոտ ապագայում չհաստատի կարևոր ֆինանսական օգնությունը։ Այս մասին ասել է փոխվարչապետ Յուլիա Սվիրիդենկոն, գրում է VOA-ն։
2022 թվականի փետրվարին ռուսական ներխուժումից ի վեր Կիևն իր բոլոր եկամուտներն ուղղել է պաշտպանությանը՝ մնացած բոլոր հարցերում՝ կենսաթոշակներից մինչև սոցիալական նպաստներ, հույսը դնելով արտաքին աջակցության վրա:
Սակայն Բրյուսելում և Վաշինգտոնում արգելափակվել են օգնության հիմնական փաթեթները, այդ թվում՝ 55,54 միլիարդ դոլարը ԵՄ-ից:
«Գործընկերների աջակցությունը չափազանց կարևոր է։ Այն մեզ շատ շտապ է պետք»,- ասել է Սվիրիդենկոն:
Նրա խոսքով՝ 500 հազար պետական աշխատողներ, 1,4 միլիոն ուսուցիչներ և 10 միլիոն թոշակառուներ կարող են բախվել աշխատավարձերի ու կենսաթոշակների ուշացման խնդրին։
