15.11.2024 | 23:30
Թուրքիայի նախագահականը հերքում է Էրդողանի և նրա դաշնակից Բահչելիի միջև տարաձայնությունները քրդական հարցի շուրջ
Թուրքիայի և ԱՄՆ արգործնախարարները պայմանավորվել են ձեռնարկել խնդիրների լուծման համար
Քաղաքականություն
03.08.2018 | 14:59
Թուրքիայի արտգործնախարար Մևլյութ Չավուշօղլուն Հարավարևելյան Ասիայի երկրների ընկերակցության՝ ԱՍԵԱՆ-ի արտգործնախարարների 51-րդ հանդիպման շրջանակում հանդիպումներ է ունեցել ՌԴ և ԱՄՆ արտգործնախարարներ Սերգեյ Լավրովի և Մայք Պոմպեոյի հետ. փոխանցում է ermenihaber-ը:
Պոմպեոյի հետ հանդիպման ավարտից հետո լրագրողներին տված հարցազրույցում, Չավուշօղլուն ասել է, որ երկրների միջև կարող են լինել տարաձայնություններ , սակայն Թուրքիան խնդիրների լուծելու համար որդեգրել է դիվանագիտական, երկխոսության, փոխադարձ համաձայնության ճանապարհով լուծելու մոտեցումը։
«Սկզբից ևեթ ասացինք, որ որևէ արդյունքի չեն հասնի՝ սպառնալիքի լեզվով և պատժամիջոցների կիրառմամբ։ Այսօր նույնը կրկնեցինք և կարծում ենք, որ դա շատ լավ ընկալվեց: Մայք Պոմպեոյի հետ մեր հանդիպման ընթացքում քննարկեցինք, թե ինչպես ենք լուծելու առկա խնդիրները և ինչ քայլեր ենք միասին ձեռնարկելու։ Այս իմաստով կարող եմ ասել, որ հանդիպումը ծայրաստիճան կառուցողական էր։ Իհարկե, չի կարելի սպասել, որ մեկ հանդիպումով անմիջապես կլուծվեն այս խնդիրները, բայց խնդիրների լուծման համար նաև սրան հաջորդող գործընթացում համաձայնության եկանք՝ սերտ համագործակցության, երկխոսության, սերտ աշխատանքի շուրջ։ Երբ յուրաքանչյուրս վերադառնա իր երկիր, կշարունակենք համատեղ քայլեր ձեռնարկել և աշխատել»,- ասել է Չավուշօղլուն:
