14.12.2025 | 21:40
Ոստիկանությունը ձերբակալել է Բրաունի համալսարանում կրակ բացելու մեջ կասկածվողին
Զելենսկին հայտարարել է, որ ՌԴ-ն Ուկրաինայի վրա 110 հրթիռ է արձակել
Քաղաքականություն
29.12.2023 | 13:48
Ուկրաինայի նախագահ Վլադիմիր Զելենսկին խոսել է մի շրջանների վրա իրականացված զանգվածային հարձակման մասին, փոխանցում է BBC-ի ռուսական ծառայությունը։
«Ծննդատուն, ուսումնական հաստատություններ, առևտրի կենտրոն, բարձրահարկ շենքեր և սեփական տներ, կոմերցիոն պահեստ, ավտոկայանատեղի. Կիևը, Լվովը, Օդեսան, Դնեպրը, Խարկովը, Զապորոժյեն և այլ քաղաքներ»,- թվարկել է Զելենսկին օդային զանգվածային հարձակման հետևանքով տուժած քաղաքներն ու օբյեկտները։
Ուկրաինայի Զինված ուժերի ռազմաօդային ուժերի ներկայացուցիչն էլ ասել է, որ «Ռուսաստանն այսօր հարվածել է գրեթե այն ամենով, ինչ ունի իր զինանոցում՝ «Կինժալներ», C-300, թևավոր հրթիռներ, անօդաչու թռչող սարքեր»։
«Ռազմավարական ռմբակոծիչները գործարկել են X-101/X-505։ Մոտավորապես 110 հրթիռ է արձակվել, որոնց մեծ մասը խոցվել է»,- ասել է Զելենսկին։
Նա նաև խոստացել է, որ Կիևն «անպայման պատասխանելու է հարձակումներին, որ Ռուսաստանը պետք է պարտվի, և այդպես էլ լինելու է»։
Ռուսաստանը դեռ չի մեկնաբանել զանգվածային հարձակումները։
Էմմա Չոբանյան
