12.08.2026 | 22:00
ԶՊՄԿ-ի պատմության լավագույն շրջանը
ՄԱԿ-ի գլխավոր քարտուղարը կոչ է անում բոլոր երկրներին 2024 թվականին հաղթահարել տարաձայնությունները
Քաղաքականություն
29.12.2023 | 14:20
ՄԱԿ-ի գլխավոր քարտուղար Անտոնիո Գուտերեշը կոչ է արել բոլոր երկրներին միավորվել և հաղթահարել տարաձայնությունները 2024 թվականին։ Նա կարծում է, որ գալիք տարին պետք է լինի «վստահության վերականգնման տարի»։
Ըստ Գուտերեշի՝ 2023 թվականն «ահռելի տառապանքի, բռնության և կլիմայական քաոսի տարի էր»։ Նա նշել է, որ մարդիկ «ճնշման տակ են աղքատության և սովի անընդհատ աճող խնդիրների պատճառով», իսկ պատերազմներն «ավելի դաժան և բազմաթիվ են դառնում»:
«Միևնույն ժամանակ, սպառվում է վստահությունը։ Բայց փոխադարձ մեղադրանքներն ու զենքով սպառնալիքները ոչ մի տեղ չեն տանում։ Մարդկության ուժը մարդկանց միասնության մեջ է»,- նշել է ՄԱԿ-ի գլխավոր քարտուղարն իր տեսաուղերձում։
Անտոնիո Գուտերեշը համոզված է, որ երկրները պետք է միասին աշխատեն խտրականության և ատելության դեմ, որը «թունավորում է համայնքների միջև հարաբերությունները»: Նաև անհրաժեշտություն կա ապահովելու, որ նոր տեխնոլոգիաները, ինչպիսիք են արհեստական բանականությունը, «բարություն բերեն»:
«2024 թվականը պետք է լինի վստահության և հույսի վերականգնման տարի։ Մենք պետք է միավորվենք՝ տարաձայնությունները հաղթահարելու և ընդհանուր լուծումներ գտնելու համար»,- վստահ է Գուտերեշը։
