10.10.2026 | 13:51
Ավինյանը շնորհավորել է Երևանի տոնը՝ կոչ անելով երևանցիներին դուրս գալ քաղաք և մասնակցել տոնակատարություններին
Քոչարյանի պաշտպաններն այսօր Վերաքննիչ դատարանից պատասխան են սպասում
Հասարակություն
03.08.2018 | 12:38
ՀՀ 2-րդ նախագահ Ռոբերտ Քոչարյանի կալանավորման որոշման դեմ բողոքը նրա պաշտպանությամբ զբաղվող փաստաբանները Վերաքննիչ դատարան են ներկայացրել օգոստոսի 1-ին։ Այս մասին Factor.am-ին փոխանցեց Քոչարյանի պաշտպաններից Արամ Օրբելյանը։
«Այս ամսվա 1-ին ներկայացրել ենք բողոք դիմում, թեև, օրենքով հստակ սահմանված ժամկետ չկա, բայց նշված է անհապաղ, որը ենթադրում է, որ ամենաուշը այն պետք է դատարանը հաստատի կամ մերժի եռօրյա ժամկետում։ Այնպես որ, սպաում ենք․ այսօր լրացել է սահմանված ժամկետը և հույս ունենք, որ Ռոբերտ Քոչարյանի կալանավորման վերաբերյալ Առաջին ատյանի դատարանի որոշումը Վերաքննիչում կքննվի արդեն հաջորդ շաբաթ»։
Օրբելյանը նաև նշեց, որ այս օրերին հանդիպումներ է ունեցել Ռ․ Քոչարյանի հետ։ «Նրա տրամադրվածությունն այս ամենին նույնն է, որևէ բան չի փոխվել»,-ասաց պաշտպանը։
Հիշեցնենք, որ Ռոբերտ Քոչարյանի նկատմամբ կալանքը որպես խափանման միջոց կիրառելու վերաբերյալ միջնորդությունը բավարարեց Շենգավիթ վարչական շրջանի ընդհանուր իրավասության դատարանի դատավոր Վաչե Մարգարյանը:
Աղավնի Սուքիասյան
