01.05.2026 | 13:15
Ռոնալդու․ Կարիերայիս ավարտը մոտենում է
ԱՄՆ վարչակազմն Ուկրաինայի հետ քննարկում է խորը պաշտպանության անցումը. Politico
Քաղաքականություն
28.12.2023 | 20:47
ԱՄՆ նախագահ Ջո Բայդենի վարչակազմն Ուկրաինայի հետ քննարկում է արևելքում երկրի զինված ուժերի անցումն ավելի խորը պաշտպանությանը։ Այս մասին գրում է Politico-ն՝ հղում անելով ամերիկացի ու եվրոպացի մի քանի անանուն պաշտոնյաների։
Ըստ այդմ, այս փոփոխություններն ուղղված են Կիևի դիրքերի ամրապնդմանը և Մոսկվայի հետ բանակցությունների դեպքում «ուժեղ ձեռքի» ձևավորմանը։
Ըստ Politico-ի՝ Սպիտակ տան հռետորաբանության մեջ պաշտոնական փոփոխություն չի եղել, սակայն ԱՄՆ-ն այժմ Ուկրաինայի իշխանությունների հետ քննարկում է ավելի խորը պաշտպանական դիրքեր գրավելու տարբերակը, որը ներառում է հակաօդային պաշտպանության ուժեղացում և պատնեշների կառուցում առաջնագծում, ինչպես նաև Բելառուսի հետ Ուկրաինայի սահմանի երկայնքով հակատանկային արգելապատնեշների և խրամատների կառուցում։
Politico-ի զրուցակիցները բացատրել են, որ ռազմավարության փոփոխությունը կապված է ԱՄՆ-ում կայանալիք նախագահական ընտրությունների հետ։ Առանց շոշափելի հաղթանակի երկարատև հակամարտությունը կարող է բարդացնել Ջո Բայդենի վերընտրման քարոզարշավը և ի շահ Դոնալդ Թրամփի լինել:
