02.07.2026 | 23:29
Կալանավորվել է գնդապետ Էդիկ Մալոյանը
Սևանա լճի ջրի հաշվին շահույթ ստացած ՀԷԿ-ի անունը հայտնի է, լիճը փրկելուն միտված ծրագրի պատասխանատուն՝ ոչ․ ՏԵՍԱՆՅՈՒԹ
Հասարակություն
03.08.2018 | 13:42
«S.O.S Սևան» նախաձեռնությունն արդեն մի քանի տարի է՝ ահազանգում է, որ լճի վիճակը վատ է, սակայն, տեսնում ենք, որ գործընթացը դրա լավացմանը չի տանում, իսկ Կառավարությունն էլ ամեն տարի առաջարկում է հավելյալ ջրառ իրականացնել, ինչը Սևանի համար անթույլատրելի է։
Այս մասին այսօր լրագրողների հետ հանդիպման ժամանակ ասաց «ԷկոԼուր» տեղեկատվական ՀԿ-ի նախագահ Ինգա Զարաֆյանը՝ նշելով, որ եթե լիճը փրկելու համար քայլեր չձեռնարկենք, դա անդառնալի հետևանք կունենա։
«Պայմաններն այնպիսին են, որ մենք Սևանում ունենք ահավոր վատ իրավիճակ։ Այսպիսի մասշտաբային աղտոտման մենք շատ տարիներ չէինք հանդիպել։ Սա նշանակում է, որ պետք է հավելյալ միջոցներ ձեռնարկենք Սևանը փրկելու համար, հետևաբար, եթե հավելյալ ջրառ իրականացվի, մենք չենք կարող ազատվել բաց հանքերի հոսքերից և այլ վտանգներից։ Այս պահին Սևանի համար մեկ բան կարող ենք անել՝ բարձրացնել լճի մակարակը, որից հետո կսկսվի լճում ինքնամաքրման գործընթաց»,-ասաց Ինգա Զարաֆյանը։
Վերջինս նկատեց, որ լճի հետ կատարվող բացասական երևույթները բերելու են էկոհամակարգի անկման կամ ոչնչացման, և մենք չենք կարողանալու ապահովել Արարատյան դաշտավայրը ջրով։
«ԷկոԼուր» տեղեկատվական ՀԿ-ի նախագահը նաև խոսեց Սևանա լճի ջրի հաշվին որոշ ՀԷԿ-երի ստացած շահույթների և խոստացած ծրագրերի անկատարության մասին․ «Մենք շատ կուզենք տեղեկանալ, թե հավելյալ ջրի հաշվին արտադրված էներգիայի հաշվին ստացած գումարները Սևանը փրկելու ո՞ր ծրագրին են ուղղվել։ Մենք ուզում ենք հասկանալ՝ ո՞վ է այդ փողի պատասխանատուն և ինչ ծրագրեր են իրականացրել։ Պատասխանատու կողմ չկա, փոխարենը հայտնի է, որ ջրի հաշվին շահույթը ստացել է Սևան-Հրազդան ՀԷԿ-ը»։
Մանրամասները՝ տեսանյութում։
