23.11.2024 | 20:00
Չի ներկայացվել գույքի և ունեցվածքի 509 հայտարարագիր՝ 4 տարում․ ի՞նչ է սպասվում օրինախախտներին. ՔՆՆԱՐԿՈՒՄ
Մոսկվան տեսնում է խաղաղության պայմանագիր կնքելու՝ Բաքվի և Երևանի կամքը․ Պեսկով
Քաղաքականություն
27.12.2023 | 16:38
Ռուսաստանը տեսնում է Հայաստանի և Ադրբեջանի միջև խաղաղության համաձայնագիր կնքելու քաղաքական կամքն ու սատարում է այդ քայլը։ Այս մասին լրագրողներին հայտնել է ՌԴ նախագահի մամուլի քարտուղար Դմիտրի Պեսկովը, փոխանցում է ՏԱՍՍ-ը։
«Գլխավորն այն է, որ մենք տեսնում ենք քաղաքական կամք երկու կողմերի մոտ՝ և՛ Բաքվի, և ՛ Երևանի։ Իհարկե, մենք դրան աջակցում ենք։ Մենք գտնում ենք, որ նման պայմանագրի կնքումն օգտակար կլինի ինչպես երկու երկրների, այնպես էլ ամբողջ տարածաշրջանում կայնության համար»,- ասել է Պեսկովը։
Ըստ Կրեմլի խոսնակի՝ ռուսական կողմը փաստում է, որ Հայաստանն ու Ադրբեջանը «շարժվում են դեպի խաղաղության պայմանագրի շուրջ աշխատանքների ավարտը»։
«Մենք հուսով ենք, որ դա տեղի կունենա հնարավորինս շուտ, իհարկե, առանց որակը զոհաբերելու։ Ուստի մենք բոլորի հետ միասին սպասում ենք, թե երբ կավարտվեն այդ աշխատանքները»,- հայտարարել է Դմիտրի Պեսկովը։
Էմմա Չոբանյան
