29.04.2026 | 13:27
Ավանեսյանը՝ Բաքվում պահվող գերիների առողջական վիճակի և ադրբեջանական պատվիրակության այցի մասին․ ՏԵՍԱՆՅՈՒԹ
Մոսկվան գոհ է ԵՏՄ-ի հարցում ՀՀ դիրքորոշումից․ ՏԵՍԱՆՅՈՒԹ
Քաղաքականություն
27.12.2023 | 14:41
Երևանը կենտրոնացած է միջնաժամկետ և երկարաժամկետ հեռանկարում ԵՏՄ շրջանակներում առաջադրանքների համակարգված իրականացման ուղղությամբ։ Մոսկվան գոհ է ԵՏՄ-ի հարցում ՀՀ դիրքորոշումից։ Իր ամենշաբաթյա ճեպազրույցի ժամանակ այս մասին հայտարարել է ՌԴ ԱԳՆ պաշտոնական ներկայացուցիչ Մարիա Զախարովան։
«Տարեցտարի Հայաստանում նկատվում են տնտեսական ցուցանիշների աճի բարձր տեմպեր։ Մենք տեսնում ենք, որ Երևանը զգալի դիվիդենտներ է ստանում ԵՏՄ-ին իր մասնակցությունից։ Չնայած հանրապետության ներկայացուցիչների որոշ վիճահարույց հայտարարություններին՝ մենք և մեր հայ գործընկերները, ինչպես նաև ԵՏՄ անդամ մնացած երկրները, կառուցողական, ապաքաղաքականացված երկխոսություն ենք իրականացնում։ Հունվարի 1-ից ԵՏՄ մարմինների նախագահությունն անցնում է Հայաստանին։ Վարչապետ Նիկոլ Փաշինյանը, ելույթ ունենալով դեկտեմբերի 25-ին Եվրասիական տնտեսական բարձրագույն խորհրդի նիստում, հայտարարեց, որ Երևանը կենտրոնացած է միջնաժամկետ և երկարաժամկետ հեռանկարում ԵՏՄ շրջանակներում առաջադրանքների համակարգված իրականացման ուղղությամբ։ Մենք մեր գործընկերների հենց այսպիսի տրամադրվածությանն են աջակցում՝ ուղղված եվրասիական տնտեսական ինտեգրման ամրապնդմանն ու զարգացմանը»,- հայտարարել է Զախարովան։
Մանրամասները՝ տեսանյութում։
