14.01.2026 | 23:33
Կառավարությունը փոփոխություն է առաջարկում ավագանու անդամների հրաժարականի կարգում
Զախարովան ներկայացրել է Հարավային Կովկասում զարգացումների մասին ՌԴ դիրքորոշումը․ ՏԵՍԱՆՅՈՒԹ
Քաղաքականություն
27.12.2023 | 13:59
ՌԴ ԱԳՆ պաշտոնական ներկայացուցիչ Մարիա Զախարովան իր ամենշաբաթյա ճեպազրույցի ժամանակ ներկայացրել է Հարավային Կովկասում զարգացումների մասին ՌԴ դիրքորոշումը։ Նա նշել է, թե ՀՀ-Ադրբեջան, ՀՀ-Թուրքիա հարաբերությունների կարգավորման լավ հեռանկար է տեսնում։
«Հաշվի առնելով մեր հարաբերությունների դաշնակցային բնույթը՝ մենք պատրաստ ենք ամեն կերպ նպաստել Հայաստանի խաղաղությանը, կայունությանը և բարգավաճմանը։ Սա իսկապես չափազանց կարևոր է մեզ համար: Տարբեր պատճառներով. սա մեր ընդհանուր պատմությունն է, թե՛ ժողովուրդների, թե՛ մշակույթների փոխներթափանցումը։ Սա նաև տարածաշրջանային առումով կայունություն է։ Սրանք, ի դեպ, ընդհանուր մարտահրավերներ են և ընդհանուր խնդիրներ, որոնք ավելի հեշտ է լուծել միասին»,- ասել է Զախարովան։
Նա հավելել է, որ ՌԴ-ի ու ԵՏՄ անդամ այլ երկրների հետ առևտրատնտեսական կապերի շնորհիվ ՀՀ-ն զգալի տնտեսական աճ է ցուցադրել։
«2020-2022 թվականներին Ռուսաստանի, Հայաստանի և Ադրբեջանի ղեկավարների միջև եռակողմ պայմանավորվածությունների հիման վրա Երևանի ու Բաքվի միջև հարաբերությունների կարգավորման լավ հեռանկարներ ենք տեսնում։ Հայաստանի և Թուրքիայի միջև հարաբերություններ հաստատելու նախադրյալներ ևս կան։ Ռուսաստանն ընդհանուր առմամբ շահագրգռված է Հարավային Կովկասում հակամարտությունների նվազեցմամբ և այս տարածաշրջանի հարուստ ներուժի բացմամբ, ինչին կարող է նպաստել «3+3» խորհրդատվական տարածաշրջանային հարթակի շրջանակում ընդլայնված փոխգործակցությունը»,- ասել է Զախարովան։
Ռուսաստանցի պաշտոնյան նաև շնորհավորել է հայ ժողովրդին գալիք տոների կապակցությամբ։
Մանրամասները՝ տեսանյութում:
