07.10.2026 | 09:45
Արտարժույթների փոխարժեքները՝ հոկտեմբերի 7-ի դրությամբ
ՀԱՄԱՍ-ը և «Իսլամական ջիհադը» հրաժարվել են հանձնել իշխանությունը Գազայում հրադադարի դիմաց
Քաղաքականություն
26.12.2023 | 16:23
ՀԱՄԱՍ-ն ու «Իսլամական ջիհադը» մերժել են հրադադարի դիմաց Գազայի հատվածում իշխանությունից հրաժարվելու՝ Եգիպտոսի առաջարկից։ Այս մասին Reuters-ին հայտնել են Եգիպտոսի անվտանգության ծառայությունում երկու աղբյուրներ:
Ավելի ուշ ՀԱՄԱՍ-ի և «Իսլամական ջիհադի» ներկայացուցիչները հերքել են բանակցությունների մասին աղբյուրների հայտարարությունները։
«Իսլամական ջիհադի» պատվիրակությունը Կահիրեում է՝ եգիպտացի պաշտոնյաների հետ քննարկելու գերիների փոխանակման հարցերը: Եգիպտացի պաշտոնյաներից մեկն ասել է, որ խմբավորումը հետագա բանակցությունների համար որպես պայման է առաջ քաշել Իսրայելի ռազմական հարձակման դադարեցումը։
Նշվում է, որ Եգիպտոսն առաջարկել է «տեսլական», այլ ոչ թե կոնկրետ ծրագիր, որը նաև ստացել է Կատարի միջնորդների աջակցությունը։ Այն ներառելու էր հրադադար՝ ավելի շատ պատանդների ազատ արձակման դիմաց և հանգեցնելու էր ավելի լայն համաձայնագրի, որը կենթադրեր մշտական հրադադար, ինչպես նաև Գազայում ղեկավարության փոփոխություն, որն այժմ իրականացնում է ՀԱՄԱՍ-ը:
Եգիպտոսն առաջարկել է ընտրություններ անցկացնել և հավաստիացնել ՀԱՄԱՍ-ին, որ իր անդամները չեն հետապնդվի կամ դատական հետապնդման ենթարկվի, սակայն խմբավորումը, պատանդների ազատ արձակումից բացի, մերժել է ցանկացած զիջում: Ենթադրվում է, որ ավելի քան 100 պատանդ դեռևս պահվում է Գազայում։
