29.04.2026 | 12:34
Թրամփի դիմանկարը՝ ամերիկյան անձնագրի շապիկին
Սիրիայում Թուրքիայի ավիահարվածների հետևանքով խաղաղ բնակիչների շրջանում կորուստներ կան
Քաղաքականություն
26.12.2023 | 15:01
Թուրքիան շաբաթ հայտարարել էր օդային հարվածների նոր ալիքի մասին՝ ի պատասխան Հյուսիսային Իրաքում իր բազաների վրա երկու առանձին հարձակումների, որոնց զոհ էր դարձել 12 զինվոր, ինչի համար Անկարան մեղադրում է քուրդ զինյալներին։ Նախօրեին թուրքական ավիահարվածների հետևանքով Սիրիայում ութ խաղաղ բնակիչ է զոհվել։ Այս մասին հայտնում է Մարդու իրավունքների սիրիական դիտորդական կենտրոն, գրում է France 24-ը։
Կենտրոնը, որն աղբյուրների ցանց ունի Սիրիայում, հայտնում է, որ զոհերից հինգը Թուրքիայի սահմանի մոտ գտնվող հյուսիսային Ղամիշլի քաղաքի տպագրական ընկերության աշխատակիցներ են: Սիրիայի քրդական ANHA գործակալությունը նույնպես հայտնել է ութ զոհի մասին։
Հարվածները խոցել են ավելի քան 20 թիրախներ, հիմնականում քրդական կիսաինքնավար վարչակազմի Ղամիշլիի շրջանում։ ԱՄՆ-ի կողմից աջակցվող քրդերի գլխավորած «Սիրիայի դեմոկրատական ուժերի» (SDF) խոսնակ Ֆարհադ Շանին X-ի իր էջում հայտնել է, որ հարվածները ոչնչացրել են «ավելի քան 25 քաղաքացիական օբյեկտներ», նա նաև հաստատել է ութ խաղաղ բնակիչների զոհվելու փաստը։
Էմմա Չոբանյան
