16.06.2026 | 00:58
ԱԱ-2026․ Բելգիան խուսափեց պարտությունից Եգիպտոսի դեմ խաղում․ ՏԵՍԱՆՅՈՒԹ
Մեքսիկայում հազարավոր միգրանտներ երթով շարժվել են դեպի ԱՄՆ սահման
Քաղաքականություն
26.12.2023 | 10:20
Մարդկանց կազմակերպված շարասյունը հարավային Մեքսիկայից շարժվել է դեպի ԱՄՆ սահման։ Երթին, որը կազմակերպիչներն անվանել են «Ելք աղքատությունից», մասնակցել են հազարավոր միգրանտներ, որոնք տրանզիտով գտնվում են Մեքսիկայում և փորձում են ԱՄՆ անցնել, գրում է DW-ի ռուսական ծառայությունը:
Ակցիային մասնակցել է 24 երկրից շուրջ 8 հազար միգրանտ։ Նրանք շարժվել են Տապաչուլա քաղաքից։ Ակցիայի կազմակերպիչների խոսքով՝ «Ելք աղքատությունից»-ը բողոք է Մեքսիկայի իշխանությունների կողմից միգրացիայի մասին օրենքների խստացման դեմ։
Ակտիվիստների խոսքով՝ որոշ ժամանակ առաջ դադարեցվել է օտարերկրացիներին երկրի տարածքով տարանցման թույլտվություն տրամադրելը։
Մեքսիկայի կողմից տարանցման կանոնների խստացումը կարող է կապված լինել ԱՄՆ-ի պահանջների հետ՝ նվազեցնելու անօրինական միգրանտների հոսքը հարավային սահմանով:
