Քաղաքականություն
25.12.2023 | 19:00Բաքուն փորձում է սեղմել Հայաստանին, վերցնել այն ամենը, ինչ կարելի է, ինչը չի արել Հայաստանը 1994 թվականին, կարծում է Կովկասի ինստիտուտի տնօրեն Ալեքսանդր Իսկանդարյանը: Նրա խոսքով՝ Բաքուն Հայաստանի կողմից վտանգ չի զգում և խաղաղության պայմանագրի կարիք չունի, Երևանը կընդունի բոլոր պայմաններն այն ստորագրելու համար, իսկ Ադրբեջանը կստորագրի ճնշման տակ, կամ եթե դրա կարիքը լինի:
Factor TV-ի հետ զրույցում նա պատմում է, որ ռազմավարական առումով Ռուսաստանը հեռանում է Հարավային Կովկասից, իսկ Թուրքիան տարածաշրջան է մտել լրջորեն և երկար ժամանակով, որ խաղաղության պայմանագիրը խաղաղություն չի նշանակի, քանի որ նման հակամարտությունները թղթի վրա ստորագրությամբ չեն լուծվում, և որ Բաքվի շտապողականությունը խոսում է այն մասին, որ ինչ-որ բանից վախենում է, և պարտադիր չէ, որ Հայաստանից։
