18.03.2026 | 17:10
Ֆրանսիայում ՀՀ դեսպանը Սորբոն Նուվել համալսարանում ներկայացրել է Հայաստանի արտաքին քաղաքականության առաջնահերթությունները
ՀԱՄԱՍ-ը հայտնում է, որ Ալ-Մաղազի փախստականների ճամբարին իսրայելական հարվածները 70 մարդու կյանք են խլել․ ԼՈՒՍԱՆԿԱՐ
Քաղաքականություն
25.12.2023 | 20:52
ՀԱՄԱՍ-ի կողմից ղեկավարվող Գազայի Առողջապահության նախարարությունը հայտնել է, որ Իսրայելը հարվածել է փախստականների ալ-Մաղազի ճամբարին, որը գտնվում է գոտու կենտրոնական հատվածում: Արդյունքում, ըստ գերատեսչության, զոհվել է առնվազն 70 մարդ, փոխանցում է BBC-ի ռուսական ծառայությունը։
Նախարարության խոսնակ Աշրաֆ Ալ-Քուդրան ասել է, որ զոհերի թիվը, ամենայն հավանականությամբ, կաճի՝ հաշվի առնելով այդ տարածքում ապրող մարդկանց մեծ թիվը:
Իսրայելական զինվորականները BBC-ին հայտնել են, որ ուսումնասիրում են հարվածի մասին ստացված տեղեկատվությունը:
Հարձակման մասին առաջին հաղորդումները սկսվել են այն բանից հետո, երբ իսրայելական և արաբական լրատվամիջոցները հայտնել են, որ Եգիպտոսը, որը սահմանակից է Գազայի հատվածին, Իսրայելի և ՀԱՄԱՍ-ի միջև զինադադարի նոր առաջարկ է ներկայացրել։
Հաղորդվում է, որ տասնյակ վիրավորներ ալ-Մաղազիից տեղափոխվել են մոտակա Ալ-Աքսա հիվանդանոց: Հիվանդանոցից հրապարակված կադրերում երևում են երեխաներ՝ արյունոտ դեմքերով, իսկ հատակին դրված են դիերի համար նախատեսված պարկեր։
Գազայի Առողջապահության նախարարության խոսնակ Աշրաֆ Ալ-Քուդրայի խոսքով՝ հարվածը ոչնչացրել է խիտ բնակեցված բնակելի տարածքը։
