16.01.2025 | 15:47
Նախորդ տարի մեզ հաջողվել է կրճատել վթարների թիվը․ Արփինե Սարգայան
Թուրքիայում հաղորդավարուհուն հեռացրել են աշխատանքից եթերում Starbucks-ի բաժակի հայտնվելու համար
Քաղաքականություն
25.12.2023 | 22:01
Թուրքական TGRT News իշխանական կողմնորոշում ունեցող հեռուստաընկերությունն աշխատանքից հեռացրել է հաղորդավարին և ռեժիսորին, քանի որ լուրերի հաղորդման ժամանակ սեղանին Starbucks-ի բաժակ է երևացել, գրում են տեղական լրատվամիջոցները։
«TGRT Haber TV-ի 24.12.2023-ի լրատվական թողարկմանը հաղորդավարուհի Մելթեմ Գյունայը ներկայացել է Starbucks-ի բաժակով։ Մեր ընկերության սկզբունքներին համապատասխան՝ հաղորդավարին եթերում խստիվ արգելվում է ներկայանալ այնպիսի ձևով, որը գաղտնի գովազդում է որևէ ընկերություն։ Հաղորդավարուհին ու ռեժիսորը, որոնք խախտել են այդ սկզբունքը, հեռացվել են»,-ասվում է հեռուստաընկերության հայտարարության մեջ։
Հաղորդագրության մեջ նաև նշվում է, որ շարունակելու են կանգնել Գազայի և թուրք ժողովրդի կողքին։ Բանն այն է, որ ՀԱՄԱՍ-Իսրայել պատերազմի ֆոնին՝ Թուրքիայում բոյկոտի արշավ է իրականացվում մի շարք արտասահմանյան հայտնի բրենդների դեմ, որոնք ըստ թուրքերի՝ աջակցում են իսրայելական կողմին։ Թուրքիայի տարբեր քաղաքներում մի շարք հարձակումներ են տեղի ունեցել Starbucks սրճարանների դեմ։
Էմմա Չոբանյան
