Քաղաքականություն
24.12.2023 | 22:05
ԵՄ արտաքին հարաբերությունների և անվտանգության քաղաքականության հարցերով բարձր ներկայացուցիչ, Եվրահանձնաժողովի փոխնախագահ Ժոզեպ Բորելը կարծում է, որ Ուկրաինայում վտանգված է Եվրամիության գոյությունը։ «Եթե չմոբիլիզացնենք մեր բոլոր կարողությունները, դա թույլ կտա Պուտինին հաղթել Ուկրաինայի պատերազմում,- ասել է նա The Guardian-ին տված հարցազրույցում։
Բորելը խոստովանել է, որ վախենում է պարտությունից, քանի դեռ իրավիճակի արագ փոփոխություն չի եղել: Նա ասել է՝ ոչ մի նշան չի տեսնում, որ Ռուսաստանի նախագահ Վլադիմիր Պուտինը պատրաստ է դադարեցնել կամ նույնիսկ համաձայնվել համաձայնագրի, որը թույլ կտա Ռուսաստանին պահպանել Արևելյան Ուկրաինան:
«Պուտինը չի կարող բավարարվել Ուկրաինայի մի կտորով: Նա որոշել է շարունակել պատերազմը մինչև վերջնական հաղթանակ։ Այնպես որ, մենք պետք է պատրաստվենք երկար ժամանակով և բարձր ինտենսիվությամբ հակամարտության»,- ասել է Բորելը։
