18.03.2026 | 17:10
Ֆրանսիայում ՀՀ դեսպանը Սորբոն Նուվել համալսարանում ներկայացրել է Հայաստանի արտաքին քաղաքականության առաջնահերթությունները
Գազայից հայտարարել են․ Իսրայելի հարձակումներից ի վեր սպանվել է 100 լրագրող
Քաղաքականություն
24.12.2023 | 20:02
Համաձայն Գազայի կառավարության լրատվական գրասենյակի հրապարակած նոր տվյալների՝ հոկտեմբերի 7-ից Գազայի հատվածում դաժան պատերազմի մեկնարկից ի վեր սպանված լրագրողների թիվը հասել է 100-ի։ Հաղորդում է Al Jazeera-ն։
Պաղեստինցի լրագրող Մուհամեդ Աբու Հվեյդին վերջինն էր, ով սպանվեց շաբաթ օրը Գազա քաղաքի արևելքում գտնվող իր տան վրա իսրայելական օդուժի հարձակման հետևանքով։
Գազայի պաղեստինցի պաշտոնյաներն ասում են, որ այդ թիվը կարող է շատ ավելի մեծ լինել: Այնուամենայնիվ, Լրագրողների պաշտպանության կոմիտեի տվյալների համաձայն՝ հակամարտության ընթացքում առնվազն 69 լրագրող է զոհվել, այդ թվում՝ «Al Jazeera Arabic»-ի օպերատոր Սամեր Աբուդաքան:
«Գազայի հատվածում 50-ից ավելի լրատվամիջոցների տարածքներ կամ գրասենյակներ ամբողջությամբ կամ մասամբ ավերվել են Իսրայելի հարձակումների հետևանքով։ Հարյուրավոր պաղեստինցի լրագրողներ և նրանց ընտանիքները բռնի տեղահանվել են դեպի հարավ»,- նշում է աղբյուրը։
