08.04.2026 | 01:11
Խարբերդի ամառանոցներից դեպի Նուբարաշեն ավտոճանապարհին 5 մեքենա է բախվել. 3 անձ հոսպիտալացվել է
ՌԴ-ի ու Ադրբեջանի ԱԳ փոխնախարարները տարածաշրջանային անվտանգության հարցեր են քննարկել
Քաղաքականություն
22.12.2023 | 17:50
Ռուսաստանի Դաշնության արտաքին գործերի փոխնախարար Ալեքսանդր Գրուշկոն դեկտեմբերի 21-22-ը Բաքվում Ադրբեջանի արտաքին գործերի փոխնախարար Արազ Ազիմովի հետ անցկացրել է արտաքին գործերի միջնախարարական խորհրդակցություններ տարածաշրջանային և եվրոպական անվտանգության հարցերի շուրջ, հայտնում է ՌԴ ԱԳՆ-ն։
Նշվում է, որ Գրուշկոյին ընդունել է նաև Ադրբեջանի նախագահի արտաքին քաղաքական հարցերով խորհրդական Հիքմեթ Հաջիևը։ Հանդիպումներ են տեղի ունեցել Ադրբեջանի նախագահի հատուկ հանձնարարությունների գծով ներկայացուցիչ Էլչին Ամիրբեկովի և Ադրբեջանի Միլլի Մեջլիսի միջազգային հարաբերությունների և միջխորհրդարանական հարաբերությունների հանձնաժողովի նախագահ Սամեդ Սեյիդովի հետ։
«Մտքերի հանգամանալից փոխանակում է տեղի ունեցել Անդրկովկասում տիրող իրավիճակի և եվրոպական անվտանգության ոլորտում, այդ թվում՝ ԵԱՀԿ-ում փոխգործակցության, ԵԽ-ում ստեղծված իրավիճակի, Եվրամիության և ՆԱՏՕ-ի հետ մեր երկրների հարաբերությունների վերաբերյալ։ Անդրադարձ է կատարվել նաև երկկողմ և միջազգային օրակարգի արդի հարցերին։ Ընդգծվել է տարածաշրջանի պետությունների առաջատար դերն ու առանձնահատուկ պատասխանատվությունը Հարավային Կովկասում կայունության և անվտանգության պահպանման գործում»,-ասվում է հաղորդագրության մեջ։
Բացի այդ՝ կողմերը նաև հաստատել են իրենց հանձնառությունը տարածաշրջանային և եվրոպական անվտանգության հարցերի շուրջ սերտ երկխոսություն պահպանելու հարցում։
