07.10.2026 | 14:37
«Էրեբունի-Երևան 2808»-ի միջոցառումներով պայմանավորված մի շարք փողոցներ կփակվեն
Հյուսիսային Կորեան գործարկել է պլուտոնիում արտադրող ռեակտոր․ ՄԱԳԱՏԷ
Քաղաքականություն
22.12.2023 | 18:35
Հյուսիսային Կորեան գործարկել է ռեակտոր, որը կարող է պլուտոնիում արտադրել միջուկային զենքի համար։ Այս մասին ասվում է ՄԱԳԱՏԷ-ի գլխավոր տնօրեն Ռաֆայել Մարիանո Գրոսսիի հայտարարության մեջ։
Գործակալության ղեկավարը այս մասին զեկուցել է նոյեմբերի 22-ին կառավարիչների խորհրդի նիստում։ ՄԱԳԱՏԷ-ն նկատել է ակտիվության բարձր մակարդակ Յոնգբյոնում թեթև ջրի ռեակտորի (LWR) տարածքում և դրա մերձակայքում, ինչպես նաև՝ ջրի մեծ արտահոսք դրա հովացման համակարգից: Միևնույն ժամանակ նա նշել է, որ առանց օբյեկտ մուտք գործելու ՄԱԳԱՏԷ-ն չի կարող հաստատել դրա գործառնական կարգավիճակը:
«Թեթև ջրի ռեակտորը, ինչպես ցանկացած այլ միջուկային ռեակտոր, կարող է արտադրել պլուտոնիում, որը կարող է զատվել վերամշակման ժամանակ, և դա մտահոգիչ է», – ասել է ՄԱԳԱՏԷ-ի գլխավոր տնօրենը:
Գրոսին ԿԺԴՀ-ին կոչ է արել ամբողջությամբ կատարել ՄԱԿ-ի Անվտանգության խորհրդի բանաձևերով ստանձնած պարտավորությունները և անհապաղ ամբողջությամբ համագործակցել ՄԱԳԱՏԷ-ի հետ:
Հիշեցնենք, որ դեկտեմբերի 18-ին ԿԺԴՀ-ն հեռահար միջմայրցամաքային բալիստիկ հրթիռ է արձակել Ճապոնական ծովի ուղղությամբ։ Դա տեղի է ունեցել դեկտեմբերի 17-ի ուշ երեկոյան Փհենյանի կողմից նույն ուղղությամբ փոքր հեռահարության բալիստիկ հրթիռի փորձարկումից մի քանի ժամ անց:
