15.09.2026 | 19:21
Դատավոր Սամվել Թադևոսյանը կրկին հրաժարականի դիմում է ներկայացրել. ԲԴԽ-ն դադարեցրել է նրա լիազորությունները
Իսրայելի պաշտպանության բանակը պայթեցրել է ՀԱՄԱՍ-ի առաջնորդների թունելները Գազայում․ ՏԵՍԱՆՅՈւԹ
Քաղաքականություն
22.12.2023 | 17:34
Իսրայելացի զինվորականները Գազա քաղաքում պայթեցրել են թունելները, որոնք օգտագործում էին ՀԱՄԱՍ-ի առաջնորդները: Այս մասին հայտնել է The Jerusalem Post-ը՝ վկայակոչելով Իսրայելի պաշտպանության բանակի հայտարարությունը։ Նշվում է, որ Իսրայելի պաշտպանության ուժերը ոչնչացրել են չորեքշաբթի օրը գրավված թունելների գաղտնի ստորգետնյա ցանցը։ Ըստ իսրայելացի զինվորականների՝ թունելների ցանցում տեղակայված էին ահաբեկչական խմբավորման բարձրաստիճան պաշտոնյաների բնակարաններ, գրասենյակներ։
ՀԱՄԱՍ-ի առաջնորդներ Իսմայիլ Հանիեն, Յահյա Սինվարը և Մուհամեդ Դեյֆն օգտագործել են այս ցանցը՝ վերահսկելու կազմակերպության գործունեությունն ու տեղաշարժը Գազա քաղաքի կենտրոնով, ինչի պատճառով տարածքը կոչվում է Հրամանատարի հրապարակ:
The Jerusalem Post-ը մեջբերում է գնդապետ Բենի Ահարոնի խոսքերը, որ թունելներն օգտագործվել են խաղաղ բնակիչներից վերցված սարքավորումները պահելու համար, ինչը թույլ է տալիս ՀԱՄԱՍ-ի առաջնորդներին երկար ժամանակ թաքնվել այնտեղ:
Ավելի վաղ Իսրայելը հայտարարել էր ռազմական գործողություններում նոր դադարի պատրաստակամության մասին՝ Գազայում ՀԱՄԱՍ-ի ահաբեկիչների կողմից պահվող մնացած պատանդներին ազատ արձակելու դիմաց, սակայն ՀԱՄԱՍ-ը մերժել էր Իսրայելի այս առաջարկը։
Մանրամասները՝ տեսանյութում
Una potente esplosione da parte dell’IDF di un complesso di tunnel a Gaza, nella zona dei “leader di Hamas”. pic.twitter.com/9Y5rX0Pgek
— Claudio O'Neil Torbinio A22 (@My_Salute) December 22, 2023
