15.12.2024 | 17:40
Հրշեջները մարել են Արշակունյաց պողոտայի հյուրանոցներից մեկում բռնկված հրդեհը
Հայաստանի սահմանը խախտելիս Թուրքիայի քաղաքացի է ձերբակալվել. նրա մոտ հայտնաբերվել են սահմանի կառույցների լուսանկարներ ու տեսանյութեր
Քաղաքականություն
02.08.2018 | 15:52
Հայաստանում Ռուսաստանի Անվտանգության դաշնային ծառայության (ԱԴԾ) սահմանապահ վարչության աշխատակիցների կողմից հայ-թուրքական սահմանը խախտած Թուրքիայի քաղաքացի է ձերբակալվել: Ինչպես «Արմենպրես»-ին տեղեկացրել են Հայաստանում Ռուսաստանի ԱԴԾ սահմանապահ վարչության լրատվական ծառայությունից, ռուս սահմանապահները Թուրքիայի քաղաքացուն ձերբակալել են Գյումրու սահմանապահ ջոկատի տեսամասում՝ ինժեներա-տեխնիկական միջոցները հաղթահարելու փորձի ժամանակ:
Ստուգիչ միջոցառումների ընթացքում սահմանախախտի մոտ հայտնաբերվել է բջջային հեռախոս, որի մեջ առկա են եղել պետական սահմանի ինժեներական կառույցների և պատնեշների լուսանկարներ և տեսանյութեր:
Օրենսդրությամբ սահմանված կարգով սահմանախախտը փոխանցվել է Հայաստանի իրավապահ մարմիններին: Իրականացվում են անհրաժեշտ աշխատանքներ դեպքի մանրամասները պարզելու համար:
