15.09.2026 | 19:21
Դատավոր Սամվել Թադևոսյանը կրկին հրաժարականի դիմում է ներկայացրել. ԲԴԽ-ն դադարեցրել է նրա լիազորությունները
ՌԴ-ում հետախուզում է հայտարարվել Նավալնիի համախոհ Մարիա Պևչիխի նկատմամբ
Քաղաքականություն
22.12.2023 | 16:43
Միջազգային հակակոռուպցիոն հիմնադրամի (FBK) տնօրենների խորհրդի ղեկավար Մարիա Պևչիխի նկատմամբ հետախուզում է հայտարարվել Ռուսաստանի Դաշնությունում։ Այն, որ Պևչիխի քարտը հայտնվել է ՌԴ ՆԳՆ հետախուզման մեջ գտնվող անձանց տվյալների բազայում, հայտնի է դարձել հինգշաբթի օրը՝ դեկտեմբերի 21-ին, հայտնում է DW-ի ռուսական ծառայությունը։
Որպես հիմք նշվում էր, որ Պևչիխն ու Նիզովցևը հետախուզվում են քրեական օրենսգրքի հոդվածով, սակայն ՆԳՆ բաց տվյալների բազայում չի նշվում, թե կոնկրետ ինչ մեղադրանքի հետ է կապված։
Ավելի վաղ՝ 2022 թվականի օգոստոսին, հաղորդվել էր, որ Ալեքսեյ Նավալնիի թիմի կողմից ստեղծված «Ժողովրդական քաղաքականություն» հաղորդաշարի ութ հաղորդավարները, այդ թվում՝ Մարիա Պևչիխն ու Դմիտրի Նիզովցևը, ներգրավվել են ռուսական բանակի մասին «կեղծիքների» և ահաբեկչության հիմնավորման վերաբերյալ քրեական գործերում։ Ներկայումս և՛ Մարիա Պևչիխը, և՛ Դմիտրի Նիզովցևը գտնվում են Ռուսաստանի Դաշնությունից դուրս։
