14.12.2024 | 19:57
Ինչ իրավիճակ է ճանապարհներին 19։35-ի դրությամբ
Կիևն ԱԹՍ-ների զանգվածային հարձակման է ենթարկվել
Քաղաքականություն
22.12.2023 | 11:08
Հինգշաբթի ուշ երեկոյան Կիևը ենթարկվել է ռուսական անօդաչու թռչող սարքերի զանգվածային հարձակման: Քաղաքապետ Վիտալի Կլիչկոն և այլ պաշտոնյաներ հաղորդել են միմյանցից մեծ հեռավորության վրա գտնվող բնակելի թաղամասերի վրա հարձակումների մասին, գրում է BBC-ի ռուսական ծառայությունը: Ուկրաինայի Արտակարգ իրավիճակների պետական ծառայությունը (ԱԱՊԾ) լուսանկարներ է հրապարակել և որոշ մանրամասներ հայտնել տուժածների և պատճառված վնասի մասին։
Սոլոմենսկի թաղամասում հարվածի հետևանքով հրդեհ է բռնկվել բնակելի շենքի 24-րդ հարկում։ Հրդեհը մարվել է մինչ հրշեջ-փրկարարական ջոկատների ժամանումը։ Երեք բնակարաններում մասամբ քանդվել են պատերը, ևս երեքում կոտրվել են ապակիներ։ Նախնական տվյալներով՝ տուժել է երկու մարդ, որոնցից մեկը հոսպիտալացվել է։
Դառնիցկի թաղամասում բեկորների անկման հետևանքով հրդեհ է բռնկվել երկհարկանի կիսակառույց տան երկրորդ հարկում գտնվող սենյակում։ Զոհեր և վիրավորներ չկան։
Արտակարգ իրավիճակների պետական ծառայությունից պարզաբանում են, որ սրանք դեռ նախնական տվյալներն են, դրանք թարմացվում են։
