23.02.2026 | 11:44
Ամսական 42 միլիոն դրամ է մտնում Երևանի բյուջե՝ ավտոմատ ինքնասպասարկող սարքերից․ քաղաքապետ․ ՏԵՍԱՆՅՈՒԹ
«1915թ-ի դեպքերն օրակարգ բերողները Հայաստանին օգուտ չեն բերում»․Հաքան Ֆիդան
Քաղաքականություն
22.12.2023 | 11:22
Թուրքիայի ԱԳ նախարար Հաքան Ֆիդանը խորհրդարանում իր գերատեսչության 2024 թ-ի բյուջեի քննարկման ժամանակ անդրադարձել է նաև Հայաստանի հետ հարաբերություններին։ Ըստ նրա՝ ղարաբաղյան երկրորդ պատերազմից հետո Ադրբեջանի և Հայաստանի միջև խաղաղության հաստատման հնարավորությունն ավելի է մեծացել։
«Մենք գոհ ենք երկու երկրների միջև վստահության ամրապնդման կոնկրետ քայլեր ձեռնարկելու որոշումից, ցանկանում ենք, որ խաղաղության պայմանագիրը հնարավորինս շուտ ստորագրվի»,-ասել է Ֆիդանը։
Նա նշել է, որ Անկարան Ադրբեջանի հետ հարաբերությունները զարգացնում է բոլոր մակարդակներում և դրանք հասել են դաշնակցային մակարդակի։
«Մենք կշարունակենք իրականացնել Հայաստանի հետ մեր նախաձեռնած կարգավորման գործընթացը՝ սերտ համակարգելով Ադրբեջանի հետ՝ հաշվի առնելով տարածաշրջանային զարգացումները»,-ասել է Թուրքիայի ԱԳ նախարարը։ Նա անդրադարձել է նաև Հայոց ցեղասպանությանը թեմային։
«Այն փաստը, որ որոշ երրորդ երկրներ թեժացնում են 1915 թվականի իրադարձությունների վերաբերյալ «անհիմն» պնդումները և դրանք նորից բերում օրակարգ, կխաթարի կարգավորման գործընթացը։ Այդ երկրները լավություն չեն անում Հայաստանին»,-հայտարարել է Հաքան Ֆիդանը։
