29.04.2026 | 16:06
Ծանրամարտի Հայաստանի հավաքականներն ամփոփել են Եվրոպայի առաջնությունը․ ՏԵՍԱՆՅՈՒԹ
«Ռուս խաղաղապահներն ապահովել են ԼՂ բնակչության անվտանգ ելքը Հայաստան»․ ՌԴ ԳՇ պետը՝ Արցախում էթնիկ զտման մասին
Քաղաքականություն
21.12.2023 | 15:34
Ռուս խաղաղապահները սեպտեմբերին Լեռնային Ղարաբաղում հակամարտության ընթացքում իրենց տեղակայման վայրերում տեղավորել են ավելի քան 10 հազար խաղաղ բնակիչների, այնուհետ ապահովել Ղարաբաղի գրեթե ամբողջ բնակչության անվտանգ մեկնումը Հայաստան։ Այս մասին ճեպազրույցում հայտարարել է ՌԴ ԳՇ պետ Վալերի Գերասիմովը՝ խոսելով Արցախում Ադրբեջանի կողմից սեպտեմբերի 19-ին իրականացրած ռազմական ագեսիայի և էթնիկ զտման մասին, փոխանցում է ՏԱՍՍ-ը։
«Ռազմական գործողությունների ընթացքում ռուսական խաղաղապահ զորախումբն ապահովել է ավելի քան 10 հազար խաղաղ բնակիչների տեղակայումը իրենց տեղակայման վայրերում, իսկ հետո Ղարաբաղի գրեթե ողջ բնակչության անվտանգ ելքը Հայաստանի տարածք։ Ավիացիոն տրանսպորտով հիվանդանոցներ 300 վիրավոր է տեղափոխվել»,- ասել է նա։
Գերասիմովը նաև նշել է, թե «ռուսական ռազմական զորակազմը շարունակում է առաջադրանքները կատարել՝ որպես խաղաղ կյանքի կառուցման և տարածաշրջան բնակիչներին վերադարձնելու հնարավորության երաշխավոր»։
Էմմա Չոբանյան
